Ж.Байден ОХУ-ын ерөнхийлөгчтэй шулуухан ярилцахаа мэдэгдэв

АНУ-ын ерөнхийлөгч Жо Байден зургадугаар сарын 16-нд болох ОХУ, АНУ-ын дээд хэмжээний уулзалтын үеэр Владимир Путинтэй шулуухан ярилцахаа мэдэгдлээ. “Би ОХУ-ын ерөнхийлөгч Владимир Путинтэй ОХУ-тай тогтоосон харилцаагаа сайжруулах нөхцөл байдлын талаар шулуухан ярилцана” хэмээн тэрээр Их долоогийн дээд хэмжээний уулзалтын дараа Корнуоллд хийсэн хэвлэлийн бага хурал дээр онцолжээ. Их долоогийн дээд хэмжээний уулзалт энэ сарын 11-13-нд Английн өмнөд хэсэгт орших Корнуолл хотноо болсон билээ. Энэ нь Их долоогийн орнуудын удирдагчдын бараг сүүлийн хоёр жилийн хугацаанд хийсэн анхны уулзалт юм. Их долоод Их Британи, Канад, Франц, Герман, Итали, Япон, АНУ-аас гадна Европын холбоо багтдаг билээ.

Сэтгэгдэл
Уншиж байна...